Нєшка „Танцуй, танцуй”, госци и Керестурци

автор зам
1.1k Опатрене

ҐЛОЖАН – У Ґложану нєшка, 28. мая, будзе 46. Словацки фолклорни фестивал „Танцуй, танцуй”, на хторим буду отримани концерти шпивацких ґрупох и народних ансамблох и танєчних ґрупох зоз скоро шицких местох у хторих жию Словаци у Сербиї.

За словацки шпивацки ґрупи, оркестри и танєчни ансамбли Фестивал змагательного характеру и побиднїки представяю словацку меншину зоз Сербиї на рижних манифестацийох и фестивалох у жеми и иножемстве.

Замеркована часц Фестивалу, хтори ше отримує у амфитеатру, и дефиле шицких учашнїкох, у рамикох Фестивалу буду орґанизовани предавацка вистава стародавних предметох и єдлох, Етно-вистава здруженя женох „Словачка”, а у Доме култури вистава фотоґрафийох з прешлосци Ґложану, автора Ондрея Ступавского.

Закончуюца часц Фестивалу „Танцуй, танцуй” нєшка будзе на 20 годзин, дзе попри словацких ансамблох зоз Сербиї наступя и два танєчни ансамбли зоз Словацкей, як и Музично-фолклорни ансамбл Дому култури Руски Керестур и Фолклорни ансамбл „Вила” з Нового Саду. У часци програми Керестурцох наступя Виводзацки танєчни ансамбл, Хлопска шпивацка ґрупа и Народни оркестер.

Фестивал орґанизую Национални совит Словацох у Сербиї, Завод за културу войводянских Словацох, КУД „Єднота” з Ґложану, Месна заєднїца Ґложан и Општина Бачки Петровец.

ПОВЯЗАНИ ТЕКСТИ