Нєшка третмани процив суньоґох у вербаскей општини

автор ол. русковски
375 Опатрене

ВЕРБАС – Третмани процив суньоґох зоз жеми на подручу општини Вербас буду окончени нєшка, 10. септембра, наявела „Циклонизация” АД, а преноши општински сайт.

По сообщеню, у складу зоз вигоднима метеоролоґийнима условиями, третмани процив одроснутих формох суньоґох буду окончени у периоду од 19 по 21 годзин.

Третман зоз жеми облапя шицки населєни зони општини Вербас.

Третмани ше будзе окончовац зоз препаратами на бази делтаметрина. Спозорює ше пчоларох же препарат токсични за пчоли, же би требали заврец кошнїци, лєбо их оддалїц найменєй пейц километери од наведзених местох пирсканя.

Дїйство препарату тирва єден дзень.

ПОВЯЗАНИ ТЕКСТИ