Нєшка Фестивал тамбурових оркестрох „Мелодиї Руского двору“

автор вл. дїтко
725 Опатрене

ШИД – На лєтней бини у порти Лєтней владическей резиденциї нєшка на 19 годзин, почнє 13. по шоре Фестивал тамбурових оркестрох „Мелодиї Руского двору“ хтори орґанизує КПД „Дюра Киш“.

Фестивал того року будзе ревиялного характеру и наступя  оркестри сербского СКУД „Святи Сава“, словацкого СКУД „Єднота“, горватского ГКУД „Шид“, шицки зоз Шиду, як и Женска жридлова шпивацка ґрупа КПД „Иван Котляревски“ зоз Бикичу.

Наступя и домашнї, оркестер и Старша и Младша шпивацка ґрупа КПД „Дюра Киш“, а шицки учашнїки буду мац 10 минути же би ше представели вокално и инструментално.

На Фестивалє буду запровадзени превентивни епидемиолоґийни мири зоз социялну дистанцу (оддалєни карсцелї), а публика муши хасновац защитни маски.

Уходнїца за Фестивал, як и каждого року, добродзечни прилог.

ПОВЯЗАНИ ТЕКСТИ