Оводарци нащивели библиотеку

автор м. джуджар
264 Опатрене

РУСКИ КЕРЕСТУР – Два ґрупи дзецох зоз Предшколскей установи Бамби, оддзелєня Цицибан нащивели оддзелєнє Народней библиотеки у Руским Керестуре, у рамикох їх нащиви значному керестурскому будинку Замку.

Старша ґрупа зоз воспитачками Блаженку Мецек и Олю Дороґхази и старши дзеци з мишаней пополадньовей зоз воспитачку Емилию Костич у двох одвоєних терминох нащивели библиотеку дзе их дочекала библиотекарка Мария Дорошки.

Библиотекарка им з тей нагоди представела библиотеку и Замок зоз кратким и интересантним описом, потим вєдно зоз воспитачками бешедовала о сликованїцох и їх наставаню, а друженє закончене зоз опатраньом тих и подобних кнїжкох за наймладших читачох.

Дорошкова их поволала же би ше вєдно зоз своїма родичами пришли учленїц и же би затераз опатрали сликовнїци, а познєйше док постаню школяре, же би були и читаче.

ПОВЯЗАНИ ТЕКСТИ