Од септембра линия и до Вербасу

автор В. Сеґеди 25. юлий 2015

Явни превознїк котри превожи путнїкох на териториї општини Кула, успишно закончел першу сезону. Путнїки, насампредз, школяре, алє и шицки цо путую до општинского места Кула, на станїцох можу достац информациї о тим же яки вязи до Зомбора, Нового Саду и Беоґраду, та и до Врнячкей Банї и Чарней Гори.

Тераз, кед школски розпуст, дакус линиї редуковани, та обявюєме пременки.

Кажди роботни дзень зоз Руского Керестура до Кули автобус идзе на: – 5,10; 6,20; 6,55; 9,40; 13,10; 16,40; 18,55.

Зоз Кули до Керестура идзе на: 6,00; 6,40; 9,25; 12,30; 14,25; 16,30; 18,40.

Соботу, зоз Керестура до Кули идзе на: 6,25; 13,10.

Соботу, зоз Кули до Керестура: 7,00; 14,25.

Нєдзелю зоз Керестура до Кули: 13,10.

Нєдзелю зоз Кули до Керестура:12,25.

Од першого септембра вожи „школски” розпорядок воженя „Путоказу”. Єст и новина, будзе отворена линия до Вербасу, насампредз пре потреби школярох и занятих.

О тим же цо єст нове у „Путоказу” побешедовали зме зоз директорку Стоянку Ботовачки (Гопцупову):

– Барз зме задовольни зоз превоженьом путнїкох на териториї општини Кула, окреме з путнїками зоз Руского Керестура. Ми тендер за превоженє путнїкох достали на три роки и думам же зме перши рок одробели барз добре. Алє, о тим найлєпше гуторя путнїки, котри дзечнє полня нашо автобуси и маме информациї же су задовольни – гвари Стоянка.

Иншак, „Путоказ” тераз у лєтнєй сезони и за викенд роби туристични дестинациї у Сербиї и иножестве. Так, Руску матку вожели до Деви (Румуния), а керестурски Дом култури до Словацкей. Превожа и членох спортских клубох – рукометашох, атлетичарох, як и школярох керестурскей ґимназиї, церкви, Каритасу…

(Опатрене 125 раз, нєшка 1)