Од ютра нови мири защити од коронавирусу

автор я. дюранїн
263 Опатрене

БЕОҐРАД – Влада Сербиї всоботу предписала нови мири хтори буду на моци од вовторку рано наиходзаци дзешец днї, а перша з нїх то скраценє роботного часу по 18 годзин за ресторани, кафичи, бари, клуби, коцкарнїци и тарґовищни центри, преноша медиї.

Друга мира то безусловне хаснованє особней защитней опреми, односно ношенє защитней маски у завартим просторе, як и на отвореним просторе у тих ситуацийох дзе нє мож заобисц медзилюдски контакти.

Шлїдзи забрана шицких явних збераньох зоз присуством вецей як 5 особох у завартим и на отвореним просторе. Тота мира ше нє одноши на роботни орґанизациї, школски установи, предавальнї, тарґовищни центри и подобни обєкти, за хтори важи огранїченє числа присутних особох у каждим моменту у одношеню на квадратуру обєкта, односно минимум 4 квадратини метери по особи.

Будзе ше контроловац ношенє маски у явним превозу и на половку ше зменша путнїкох у превозки, а тиж так ше будзе контроловац и самоизолация и карантин, як и шицки процивепидемийни мири хтoри на моци.

ПОВЯЗАНИ ТЕКСТИ