Од ютра у Чарней Гори туньши роминґ

автор бета/сен
907 Опатрене

СЕРБИЯ/ЧАРНА ГОРА – На ютре, 1. юлия, и у Чарней Гори почнє применьованє медзидержавного спорозуменя о туньшим роминґу, хтори подписали Сербия, Македония, Босна и Герцеґовина и Чарна Гора.

Запровадзованє того спорозуменя загамовал Управни суд Чарней Гори, хтори утаргнул тото подписане спорозуменє, понеже ше чарногорски оператере Телеком и Теленор поносовали же би цени роминґу требали зменшац держави Европскей униї, та же медзидержавне спорозуменє нє ратификоване у чарногорскей скупштини.

Медзитим, директор Аґенциї за електронски комуникациї Чарней Гори Зоран Секулич гварел же, без огляду на тото, цени роминґу од ютра буду менши, понеже Аґенция принєсла нову уредбу, по хторей одлука того суду нє може преложиц применьованє спорозуменя.

 

ПОВЯЗАНИ ТЕКСТИ