Онлайн промоция Жирошовей кнїжки

автор б. варґа
758 Опатрене

 НОВИ САД – Завод за културу войводянских Руснацох и НВУ Руске слово орґанизую онлайн промоцию кнїжки Мирона Жироша Бачванско-сримски Руснаци дома и у швеце, 1745-2002 III/1 том, котра вишла у октобру, а котра будзе нєшка на 16 годзин директно транслована на Фейсбук каналу профилох Заводу за културу войводянских Руснацох и НВУ Руске слово. Познєйше знїмок будзе доступни на Ют’юб каналу Заводу за културу войводянских Руснацох и Рутенпресу.

На промоциї буду участвовац историчаре проф. др Янко Рамач, проф. др Дюра Гарди, мср. Саша Сабадош, рецензент Дюра Латяк и редактор виданя Микола Шанта.

Заинтересовани, котри буду провадзиц онлайн промоцию Жирошовей кнїжки, годни учашнїком прейґ Фейсбуку поставяц питаня.

ПОВЯЗАНИ ТЕКСТИ