ДЮРДЬОВ – Штварток, 14. мая, почало ше оправяц дзепоєдни дражки у Дюрдьове. Роботи финансує Општина Жабель котра зоз буджету, за тоти роботи видвоєла коло 140 000 динари.
Улїчки у котрих плановани роботи то: крижна драга Карадьордьовей и Видовданскей улїци, тиж будзе поробена и крижна драга Доситея Обрадовича и Рускей улїци, крижна драга Змай Йововей улїци и Солунских добровольцох, як и Миколи Кочиша и Карадьордьовей. На каждей локациї ширина дражки останє иста, алє кажда будзе вибетонована.
У наиходзацим периодзе ше планує пооправяц и дражки у дзецинским парку.
