Ораховчанє достали окремну награду

автор люр 31. юлий 2015

Прешлого пиятку у Чоки отримане треце Медзинародне стретнуце потиских тамбурашох. На Стретнуцу участвовали осем тамбурово оркестри, а два були зоз Републики Мадярскей. Стретнуце мало змагательни характер, а фахови жири, хтори пришол зоз Нового Саду, нє мал лєгку роботу понеже шицки оркестри були добре порихтани.

Тамбурови оркестер КУД „Петро Кузмяк” зоз Нового Орахова мал замерковани наступ. Ораховски оркестер одграл даскелї нашо народни шпиванки инструментално, а даскельо и одшпивал. Перше место освоєл тамбурови оркестер зоз Мохачу, друге тамбураше зоз Чантавиру, а треце зоз Торньошу.

Тамбурови оркестер зоз Нового Орахова достал плакету и окремну награду за найориґиналнєйше гранє народних композицийох на тамбурох, а по оцени фахового жирия, Ораховчанє мали и найориґиналнєйши сценски наступ, та за тото достали награду – калап яки дакеди ношели тамбурово оркестри.

Стретнуце орґанизовали Културно-образовни центер Чока и Општина Чока.

(Опатрене 69 раз, нєшка 1)