Отворена вистава малюнкох з Колониї „Стретнуце у Боднарова”

автор бас
980 Опатрене

ҐОСПОДЇНЦИ – На Вилїю, 6. януара, у ґалериї Месней заєднїци Ґосподїнци отворена вистава малюнкох з 11. Колониї „Стретнуце у Боднарова”, а присутних привитали члени Орґанизацийного одбору Подобовей колониї Любина Пантич и Владимир Салонски.

У уводним слове на отвераню Любина Попович пречитала и писню „Вилїя” Мирослава Михняка з Ґосподїнцох, а Владимир Салонски присутних поинформовал о малюнкох намальованих на прешлорочней Колониї у ґосподїнскей основней школи (ОШ).

У краткей музичней програми участвовали Оля и Предраґ Шимич, школяре ґоподїнскей ОШ.

Виставу, на хторей виложени 33 малюнки 28 уметнїкох, шветочно отворел предсидатель Совиту МЗ Ґосподїнци Ґоран Бубало, а нащивиелє ю годни опатриц цали рок, кажди роботни дзень од 8 до 15 годзин.

У МЗ Ґосподїнци цали рок тирва вистава роботох з прешлорочней Колониї „Стретнуце у Боднарова”

ПОВЯЗАНИ ТЕКСТИ