Отримани Русинов бал, Боян Голик найлєпши бавяч

автор а. медєши
240 Опатрене

РУСКИ КЕРЕСТУР – После рока павзи всоботу, 15. януара, у Ресторану Червена ружа у Руским Керестуре, отримани традицийни 13. Русинов бал, на хторим припознанє за найлєпшого бавяча достал Боян Голик, за найлєпшого тренера преглашени Сани Колошняї, а титула найлєпшого навияча припадла Славкови Ковачовому.

Окремне, такволане, Комета припознанє, достал Коста Кузма за водзенє Комет информацийней системи Фодбалского клубу Русин.

Припознаня додзельовал предсидатель Клубу Тихомир Медич хтори з тей нагоди и привитал присутних. На балу присуствовали коло 110 нащивителє, медзи хторима попри бавячох и тренерох Русину, терашнїх и бувших членох Клубу як и других госцох, були и предсидатель коцурского ФК Искра Драґан Горняк и секретар Златко Колєсар.

За коло 150 богати томболи постарали ше орґанизаторе Балу – члени Русину и числени спонзоре, а за музику задлужени бул Пицикато бенд хтори, пре ковид ситуацию, того року госцох забавял у пополадньових годзинох, од 13 по 19 годзин.

ПОВЯЗАНИ ТЕКСТИ