Означена 104. Рочнїца Привредней комори Войводини

автор М. Тамаш, фото www.vojvodina.gov.rs
751 Опатрене

НОВИ САД – У Привредней комори Войводини у Новим Садзе стреду 1. фебруара означена 104. рочнїци єй роботи и з тей нагоди додзелєни награди найуспишнєйшим привреднїком.

Предсидатель Покраїнскей влади Иґор Мирович на святочносци гварел же мисия хтора тирва 104 роки и награди хтори ше додзелює найлєпшим у привреди, як найважнєйшей обласци дружтвеного живота, традиция хтору мушиме почитовац и пестовац. Предсидатель Мирович визначел же Войводина витворює барз добри резултати и попри виволаньох часу у хторим жиєме.

Предсидатель Привредней комори Войводини Бошко Вучуревич з тей нагоди гварел же Привредна комора Войводини и Покраїнска влада предлужа вєдно робиц на промоциї привредних потенциялох и умрежованю привреднїкох з Войводини з партнерами зоз жеми и швета.

Найуспишнєйшим привреднїком на святочносци додзелєни, по 60. раз, рочни припознаня Привредней комори Войводини „Коста Миросавлєвич” за значни привредни витвореня у обласцох польопривреди, индустриї и услугох у АП Войводини, як и новинарска награда „Златне пирко привреди”.

Припознаня уручени представнїком наградзених компанийох: „MK Agriculture”, „MаsterplastYU”, „ComData”, найуспишнєйшому привреднїкови Владанови Балабан предсидательови „M&I Systems Group”, и привреднїци Милани Секулич з компаниї „Makitrans”. Уручене и припознанє „Златне пирко привреди” новинарови Радио Нового Саду Слободанови Шорак.

ПОВЯЗАНИ ТЕКСТИ