Паприґаре були у Велькей Плани

автор зам
986 Опатрене

РУСКИ КЕРЕСТУР – Штварток, 21. юлия, Здруженє паприґарох Руского Керестура витворело ище єдну едукативну екскурзию, тераз до Велькей Плани, дзе присуствовали на Дньох поля нашеньскей хижи „Супериор”.

Трицец паприґаре у Велькей Плани були на поволанку домашнїх, вєдно з ище коло 200 нащивителями Дньох поля „Супериору” зоз Сербиї и иножемства, хторе свойо гибридне нашенє рижней желєняви и овоци примєнює и у пракси, на поверхносцох у завартим и отвореним.

Керестурцох окреме интересовала паприґа, так же их домашнї одведли на польо под паприґу файти „слоново ухо”, яку ше продукує и у Керестуре, дзе вичерали искуства.

Того року планована ище єдна екскурзия, початком авґуста до Челарева, а путованя ше витворює на основи ище скорей достатих средствох на конкурсу Покраїнского секретарияту за польопривреду, водопривреду и лєсарство.

10-Paprigare-02

ПОВЯЗАНИ ТЕКСТИ