Першу причасц прияли 33 першопричашнїки

автор ол. живкович
391 Опатрене

РУСКИ КЕРЕСТУР – Трицец тройо першопричашнїки у керестурскей парохиї першираз внєдзелю прияли Святу тайну Першей Причасци.

Вєдно зоз своїма родичами першопричашнїки у процесиї вошли до церкви, дзе провадзели дзецинску Службу Божу на пол дванастей, у котрей трицец тройо, 14 дзвичата и 19 хлапци, прияли св. Тайну Причасци.

Дзеци и їх родичи ше споведали дзень пред тим, всоботу. До св. причасци их пририхтала шестра Михаїла Воротняк, СНДМ, парох керестурски о. Владислав Варґа, вироучителька Златка Малацко и їх учительки Ясмина Сабадош и Любица Бучко.

После законченей Служби у Велькей сали дзеци и родичи мали закуску и друженє.

ПОВЯЗАНИ ТЕКСТИ