Починаю жимски преподаваня за заградкарох и польопривреднїкох

автор зам/там
898 Опатрене

РУСКИ КЕРЕСТУР – У Руским Керестуре Здруженє паприґарох на ютре, 12., а Подприємство „Юарбис” на стреду, 13. януара, починаю зоз жимскима преподаванями за заградкарох, односно зоз Жимску школу за польопривреднїкох.

Здруженє паприґарох преподаваня будзе отримовац вовторок и штварток на 17 годзин у Ресторанє „Червена ружа”, а на ютрейшим будзе слова о залїваню, цо представя фаховци зоз „Савакопу” з Нового Саду и о прикармйованю паприґи, о чим буду бешедовац представителє „Аґрофертикрупу” зоз Суботици и „Аґроунику” з Беоґраду.

„Юарбис” перше преподаванє у Жимскей школи польопривреди орґанизує на стреду на 10 годзин, а потим шицки кажди пияток, тиж на 10 годзин, у сали „Юарбису.

Першу презентацию на стреду, 13. януара, отримаю компания „Пионир” о своїх гибридох кукурици и слунечнїку и компания „Аґриматко ґруп”, хтора понука ярнї гної и пестициди.

На пияток, 15. януара, буду представени „РМГ КропСциенце” зоз Суботици и їх бренд „Делфан плус” и други фолиярни гної за заградкарство, „КЄС Семе” представи гибриди кукурици и слунечнїку, а „БЦ” гибриди кукурици.

Преподаваня буду у януаре и фебруаре, а розпорядок будзе на час обявени.

ПОВЯЗАНИ ТЕКСТИ