Предсидатель Општини приял италиянских инвеститорох

автор влдї
809 Опатрене

ШИД – Предсидатель општини Предраґ Вукович, зоз сотруднїками, вчера приял делеґацию италиянских инвеститорох котри маю намиру будовац фабрику за вирабянє споднїх часцох обуї.

Як гварел Басто Тицияно з „Делта Италиї”, вони з партнером „Нова линия”, тиж з Италиї, заинтересовани вибудовац фабрику у хторей буду продуковани часци за обуй. За  два-три роки би уложели медзи штири и пейц милиони еври, а з початку би роботу достали коло 150 роботнїки.

Тицияно гварел же уж мали розгварки з руководзацима Општини Шид и з Розвойну аґенцию Сербиї, як и же нєодлуга принєшу конєчну одлуку о инвестициї.

Предсидатель Општини Предраґ Вукович гварел же локална самоуправа зроби шицко цо потребне же би тота инвестиция у тим штредку зажила и же циль власци отверац нови роботни места.

ПОВЯЗАНИ ТЕКСТИ