Представени проєкт „З партнерством до роботи”

автор апм
848 Опатрене

ВЕРБАС – Представителє Министерства державней управи и локалней самоуправи и Програми Зєдинєних нацийох за розвой – УНДП, тих дньох нащивели Општину Вербас и представели заєднїцку инициятиву за порушованє пилот-проєкту „З партнерством до роботи”.

Представительох Министертва и Програми Зєдинєних нацийох прияли предсидатель Општини др Братислав Кажич и його заменїк Милан Ґлушац, а як поведзене – Општина Вербас за тот проєкт вибрана пре добри потенцияли розвою, як и пре добре искуство хторе УНДП мал з тоту локалну самоуправу.

У спомнутим проєкту Општина би мала буц центер коло хторого ше позбераю привредни и други субєкти же би ше, у будучносци, у тим штредку звекшало число роботних местох, оможлївело енерґетску отримуюцосц, та повязало приватни и явни сектор.

З тей нагоди Кажич визначел же найвецей бешедоване о нєзанятосци и ришованю того проблему, а интерес за идею ресорного министертва и УНДП виказали и локални привреднїки, односно члени Дїловного совиту Општини Вербас, з хторима тиж отримана схадзка.

ПОВЯЗАНИ ТЕКСТИ