Преславени Дзень ПУ, подзекованє и нашому Националному совиту

автор апм
700 Опатрене

ВЕРБАС – Вчера у своїм централним обєкту „Бубочка”, Предшколска установа (ПУ) „Бошко Буха” з Вербасу у присустве донаторох, представительох локалней самоуправи, родичох и других госцох, преславела Дзень установи.

Програму водзела директорка ПУ Милияна Ґруїч, котра здогадла же Установа основана 1949. року, же чишлї 12 обєкти, дзе 7 у Вербаше и 5 у местох општини.

З тей нагоди подзелєла и подзекованя шицким котри у предходним периодзе помагали ПУ, а достали их и воспитачки, члени Совиту родичох, члени Управного одбору, Оддзелєнє за финансиї и Оддзелєнє за дружтвени дїялносци Општини Вербас, Канцелария за локални економски розвой и други.

Подзекованя достали и Национални совит (НС) Мадярох и Национални совит Руснацох, а спред нашого НС подзекованє приял предсидатель Вивершного одбору Желько Ковач.

ПОВЯЗАНИ ТЕКСТИ