Прилапени звити о роботи месних заєднїцох и установох

автор влдї
956 Опатрене

ШИД – На вчерайшей, трецей схадзки Скупштини општини (СО) Шид одборнїки прилапели звити о роботи шицких 19 месних заєднїцох у шидскей општини и їх финансийни плани за 2016. рок, як и звити о роботи установох хторим снователь локална самопуправа.

Тиж прилапени и звит о роботи Општинскей управи за прешли рок и принєшена Одлука о законченю поступку ликвидованя ЯП „Спортски центер”.

З вименку Одлуки о плацох и надополнєньох трошкох функционерох утвердзене же коефициєнт за обрахунок плаци заменїка предсидателя Општини, место 6,5, як було дотераз, будзе 7,5, а за членох Општинскей ради на стаємней роботи место 3,37 будзе 5,35.

До Совиту за занятосц место дакедишнього предсидател општини Николи Васича меновани терашнї предсидатель Предраґ Вукович, а место дакедишнєй предсидательки СО Наташи Цвєткович меновани терашнї предсидатель СО Велимир Ранисавлєвич.

СО потведзела и мандати новим одборнїком Слободанови Кузмичови зоз Шиду и Бранки Дреновац з Ґибарцу, з лїстини „Александар Вучич-Сербия победзує”.

6-Sid-02

ПОВЯЗАНИ ТЕКСТИ