Приоритетни проєкти буду з обласци енерґетскей ефикасносци

автор сен
784 Опатрене

НОВИ САД – Покраїнски секретар за реґионални розвой, медзиреґионалне сотруднїцтво и локалну самоуправу Оґнєн Бєлич поволал войводянски локални самоуправи же би ше приключели ґу проєкту енерґетскей ефикасносци явних будинкох у Сербиї, хторе запровадзує Реґионална розвойна аґенция (РРА) „Бачка”, у сотруднїцтве з Нємецку канцеларию за медзинародне сотруднїцтво ҐИЗ и Универзитетом у Беоґрадзе.

На фаховим сходзе з тему „Енерґетска ефикасносц у явних будинкох у Сербиї” Бєлич гварел же у наиходзацим периодзе Покраїна видвої одредзени средства за тот проєкт, а з општинами тиж будзе пририхтовац проєкти чий приоритет енерґетска ефикасносц.

През два Явни поволанки Републичного фонду за енерґетску ефикасносц подписани сотруднїцтва з 25 локалнима самоуправами, а як гварел представитель Министерства рударства и енерґетики Александар Пульович, обчекує ше подписованє ище 10 до15 таких контрактох.

Лидерка ҐИЗ проєкту „Енерґетска ефикасносц у будовательстве” Рената Шиндлбек визначела же 45 городи и општини з Войводини буду у проєкту збераня податкох о енерґетских характеристикох явних будинкох, з акцентом на школох и предшколских установох, а потим буду направени препоруки за националну типолоґию.

ПОВЯЗАНИ ТЕКСТИ