Пририхтованя за Науково-технолоґийни парк

автор ртв/зам; фото ртв
945 Опатрене

НОВИ САД – Уж шицко порихтане же би у доглядним чаше Войводина и Сербия достали єдну з найвекших и найзначнєйших институцийох за едукованє и розвой високих технолоґийох – Науково-технолоґийни парк (НТП), виявел тих дньох декан Факултету технїчних наукох (ФТН) у Новим Садзе Раде Дорословачки.

Контракт за другу фазу вибудови НТП подписани початком юния, конєц його вибудови плановани штредком 2018. року, а вредносц инвестициї 13 милиони еври.

Як гварел Дорословачки, НТП будзе мац 29 000 квадратни метери, дзе 10 000 буду учальнї и лабораториї ФТН, док гевтот простор наменєни компанийом хтори основали професоре ФТН.

– У цалосней инвестициї ФТН участвує з коло 3,5 милиони еври, док 9,5 милиони еври обезпечени з кредиту Европскей инвестицийней банки, хтори будзе одплацовац Република Сербия – гварел Дорословачки, наглашуюци же ше тота инвестиция вецей раз виплаци, понеже оможлїви роботу инженєром и творенє нових компанийох.

ФТН у Новим Садзе домашнєй и шветовей явносци познати як институция хтора нє лєм едукує и твори будуцих инженєрох, алє твори и нови компаниї у обласци информацийних технолоґийох. Окреме виражене барз добре сотруднїцтво Факултету и привреди, на заєднїцки хасен.

ПОВЯЗАНИ ТЕКСТИ