Приходза даскельо горуци днї

автор блиц/зам
912 Опатрене

СЕРБИЯ – Шлїдуюци два-три днї у Сербиї буду барз високи температури за тоту часц рока, спозорюю з Републичного гидрометеоролиґийного заводу (РГМЗ). Нєшка и ютре температуре будзе аж и 27 ступнї Целзиюса, односно штреднє од 24 до 27 ступнї, а на пияток би мал буц найцеплєйши дзень.

– През викенд ше обчекує опадованє температури на од 16 до 21 ступень, алє и то понадпросеково за тоту часц рока – гварел Неделько Тодорович з РГМЗ.

Пре нагли скок температури лїкаре спозорюю же би ше померковало на здравє, окреме то значне за неуролоґийних, психиятрийних и кадиолоґийних хоротнїкох. Тиж так, високи температури уплївую и на здравє особох котри маю проблеми з циркулацию.

Наявени температури заш лєм нє буду рекордни за тоту часц рока, понеже 30. марца 1952. року у Беоґрадзе вимерани 30, у Нишу 34,5, а у Лесковцу аж 35,5 ступнї.

ПОВЯЗАНИ ТЕКСТИ