Приєм з нагоди 25-рочнїци нєзависносци України

автор маф 3. септембер 2016

БЕОҐРАД – Шветочни приєм з нагоди 25-рочнїци нєзависносци України, отримани 1. септембра у орґанизациї Амбасади України у Беоґрадзе.

Приєм почал зоз українску гимну „Ще не вмерла Україна” и гимну Сербиї „Боже правди”, хтори одпшивал Хор Дому култури и катедрали св. оца Миколая з Руского Керестура под дириґентску руку Лидиї Пашо, а присутних госцох потим привитал амбасадор України у Сербиї пан Олександер Александрович.

Амбасадор бешедовал о значносци тей рочнїци, а потим була интересантна презентация о приятельстве України и Сербиї през историю.

На приєме присуствовали представителє дипломатского кору велїх державох, представителє нашей держави, представитель нашей Грекокатолїцкей церкви протоєрей ставрофор о. Владислав Варґа, предсидатель Националного совиту українскей националней меншини Йозеф Сапун, предсидатель Вивершного одбору Националного совиту рускей националней меншини Желько Ковач, и предсидатель Союзу Русинох Українцох Боґдан Виславски.

(Опатрене 328 раз, нєшка 1)