Руснацох у Суботици нащивела делеґация Ресурсного центру

автор гар
1k Опатрене

СУБОТИЦА – Дружтво Руснацох у Суботици вовторок, 28. юния, нащивела делеґация САЛТО Ресурсного центру за юговосточну Европу, у хторей були представителє з Белґиї, Естониї, Французкей, Греческей, Италиї, Литваниї, Голандиї, Польскей, Мадярскей, Горватскей и з Босни и Герцеґовини.

Домашнї госцох упознали з Руснацами вообще и на тих просторох, о чим им бешедовал предсидатель Дружтва Руснацх у Суботици Иван Гарди. О образованю по руски бешедовала Ясмина Варґа Пеячки, Иґор Сабо о службеним хаснованю руского язика, Наталия Ґрунчич госцох упознала з нашу културу и указала им народне облєчиво, а Дамян Паланчаї бешедовал о соживоце младих з розличних националних заєднїцох у Суботици.

Була то нагода и за упознаванє активносцох САЛТО Ресурсного центру и їх проєктох хтори финансую.

ПОВЯЗАНИ ТЕКСТИ