Соя и кукурица добре зродзели

автор сас 6. октобер 2016

У дюрдьовским хотаре од польопривредних рошлїнох и того року була найзаступeнша соя, потим кукурица и жито,а найчастейше ше садзело и шало комбиновано два, або шицки три култури. Того року добри урожаї пре добри розпорядок умерених паданьох.

Тлачидба сої почала початком септембра, а на два заводи є претаргована пре диждж. Пре добри дижджи, того року урожай бул скоро два раз векши як прешлого року – просеково два тони по ланцу, а було и по 16 и 25 метери по ланцу.

На урожаї вшелїяк уплївовал и квалитет жеми. Прешли рок бул барз подли пре вельо и части дижджи, як и високи температури и сушу котра претаргла веґетацию, окреме при ранших сортох. О чкоди найлєпше гутори прешлорочни урожай, котри бул коло 300 кили по ланцу до 1 500 кили по ланцу.

По думаню польопривреднїкох, сої будзе вше вецей у хотаре, бо ю лєгчейше пестовац и менши укладаня. У валалє єст вецей як сто комбайни котри тлача. Цена услуги тлаченя ше формує на основи урожаю, та тлаченє ланца того року шейсц тисячи динари, цо за тисяч динари вецей як влонї.

Придавало ше ю на штири одкупни места у валалє – „Дьордє Зличич” ДОО, дзе аконтна цена 36 динари, або дефинитивна 40 динари, Землєдїлска задруга „Чуроґ”, млїн „Суботин” и подприємство „Брамар ДОО”.

Кукурицу на полю ше почало лупац за свойо потреби, бо ю ище вше нїхто нє примал, а ламачка почала концом септембра, гоч даєдни ламали и пред мешацом. Того року и кукурица родзела лєпше, за коло 20-30 одсто, односно лупаней єст коло 6,5 тони по ланцу (у чуткох коло три тротоново прикочи по ланцу).

Концом прешлого мешаца була позната лєм цена кукурици з чутку – 7-8 динари, а прешлого року була 10-11 динари по килограму.

Авґустовски дижджи були добри за кукурицу, з одвитуюцим розпорядком паданя, на вецей раз по менєй, а нє як прешлого року одразу вельо. Цена ламчки на початку нє була формована, з тим же прешлого року була 6 тисячи по ланцу, та комбайнере очековали же того року будзе 7 тисячи.

Польопривреднїки найчастейше садзели и шали „НС семе” и сої и кукурици, медзи нїма „Максимус”, „Балкан”, „Сава”, „Рубин” и „Аполон”, потим „НС 6010”, „6030”, потим „АС гибрид” 72 и 63, „сидєнту” сорту „пако” и „сикора”.

(Опатрене 145 раз, нєшка 1)