Стабилна основа за сотруднїцтво и у култури рускей и українскей меншини

автор зам
881 Опатрене

НОВИ САД – Предсидатель Покраїнскей влади Иґор Мирович штварток, 21. юлия, приял амбасадора України у Сербиї Олександра Александровича и у розгваркох визначене же моцнєнє сотруднїцтва медзи АП Войводину и реґионами у України од интересу за обидва боки, з акцентом на змоцньованю економских вязох, окреме у польопривреди.

Як поведзене, попри з дотераз запровадзенима сотруднїцтвами з реґионамни у України, єст потенцияли же би ше, у складзе з приоритетами, сотруднїцтво АПВ преширело и на други обласци України.

Предсидатель Покраїнскей Влади Иґор Мирович наглашел же, у духу традицийно добрих одношеньох Сербиї и України, постої стабилна основа за сотруднїцтво и у обласци култури и защити правох рускей и українскей националней меншини у шицких обласцох предвидзених зоз законами Сербиї.

Амбасадор Олександр Александрович визначел же Україна у АП Войводини видзи довирлївого партнера за сотруднїцтво у числених активносцох и поволал представительох Покраїни же би участвовали на українско-сербским бизнис-форуме, хтори будзе отримани у октобре. Додал же идуцого року у маю Україна у Новим Садзе представи свою културу и традицию, а як поведзене, манифестацию потрима и Покраїнска влада.

На схадзки присуствовал и покраїнски секретар за реґионални розвой, медзиреґионалне сотруднїцтво и локалну самоуправу Оґнєн Бєлич.

ПОВЯЗАНИ ТЕКСТИ