Тогорочне порученє Еґзита: двацецрочнїца, славиме живот

автор л. костелник 11. юний 2021

Дзекуюци вельочисленим вакцинованим гражданом и зменшаному числу случайох зараженя од вирусу корона, Влада и Кризни штаб Републики Сербиї официйно означели 21. юний як дзень за врацанє – дошлєбодзенє орґанизовац фестивали и концерти, под условийом же би ше найменєй 50% полнолїтних гражданох вакциновало. Еґзитов тим строго провадзи ситуацию у вязи зоз пандемию, маюци на розуме безпечносц и здравє шицких нащивительох, виводзачох и членох тима. Тото цо сиґурне, то же фестивал того року будзе отримани од 8. по 11. юлий на Петроварадинскей твердинї у Новим Садзе.

Шицки здравствени и безпечносни мири, як за уход на фестивал, так и за пребуванє на нїм, ище будзе дефиновац Влада Сербиї.

На вецей як 40 бинох и зонох змесцених медзи мурами Петроварадинскей твердинї, Еґзит фестивал каждого року през феноменалну продукцию приноши публики одлични наступи виводзачох розличних музичних жанрох.

ПРОГРАМА

За перши дзень Еґзита заплановани DJ Snake, Sabaton, Nina Kravitz, Paul Kalkbrenner, Magnetik live, Deep Steady, Bokee и велї други.

Други дзень отвори спектакуларни Solomun, Tyga, Denis Sulta, Topic, Laibach, Goblini.

Треци дзень резервовани за Robin Schulza, Asaf Avidana, Borisa Brejchu, Meduzu, Honey Dijona и велїх других.

Остатнї, штварти дзень фестивала ше закончи з популарнима David Guetta, Eric Prydz, Artbat, Sheck Wes, Massimo, Juliana Huxtable.

(Опатрене 16 раз, нєшка 1)