Туристична орґанизация Нового Саду найлєпша у Сербиї

автор 021/сен
4.3k Опатрене

НОВИ САД – Туристична орґанизация Нови Сад (ТОНС) достала Златну амфору и преглашена є за тогорочну найуспишнєйшу туристичну орґанизацию у Сербиї. Директор тей орґанизациї Бранислав Кнежевич як окремни успихи у тим року визначел доставанє титулох Европскей престолнїци култури за 2021. рок и Младежскей престолнїци Европи за 2019. рок, як и позицию на мапи цикло-дестинацийох.

– Того року на „Opens youthсайме зме мали рекордне число викладачох (коло 60), жемох учашнїкох (шейсц держави и домашнї), та вецей як 15 000 нащивительох у двох дньох – гварел Кнежевич и визначел же за перши дзевец мешаци за 13,6 одсто звекшане числа туристох, у одношеню на исти период 2015. року.

По податкох Републичного заводу за статистику, у истим периодзе зазначени 303 317 ноцованя, цо за 19,9 одсто вецей як влонї, а окреме звекшане число ноцованьох иножемних туристох, та з тим и приход за такси за пребуванє.

– З участвованьом на домашнїх и иножемних саймох допринєсли зме же Нови Сад зазначени на туристичней мапи Европи. Промоцию зме предлужели з поставяньом билбордох о Новим Садзе у векших городох у Сербиї и жемох у реґионє. ТОНС орґанизовала и кампаню з хтору поволує на препровадзованє крачунских и новорочних шветох у Новим Садзе – гварел Кнежевич.

ПОВЯЗАНИ ТЕКСТИ