Ангелчок зоз перлочкох

автор Ясмина 5. януар 2015

Тоти хтори любя украшовац обисце и квециц крачун, вше видумую нови прикраски, гоч вельо того мож и купиц.

Ми вам предкладаме же бисце зоз перлочкох направели ангелчка, а лєгко мож справиц и дзвончок. Таки украси ше прави з перлочкох у билей, златней лєбо було хторей другей фарби, украши ше их з машлїчку у одвитуюцей фарби и кед ше их заквачи на крачун помедзи шветла – барз святочно випатраю (таки ангелчок ше находзи на насловним боку наших новинох у святочним виданю у децембру 2014. року). Ангелчок може буц вельки яки одредзиме, односно у зависносци од того з келїма перлочками го започнєме правиц. Дзекуєме Анї Гудаковей з Нового Саду хтора потолковала кажди крочай у правеню того прекрасного украсу.

Шицок материял мож купиц у векших китайских предавальньох, а тунї є. Треба ценки дрот (90 центиметри), пакованє найменших, пакованє штреднїх перлочкох, єдну вельку, дас метер машлїчки у одвитуюцей фарби.

Перше поскладаме на громадки тото цо нам потребне. Аня нам правела ангелчка зоз початних шейсц перлочкох, та зме так и поскладали  (слика 1).

слика 1

Слика 1

Шейсц, пейц, штири, три, два и єдна перлочка за цело, єдну вельку за главку, по дванац за криделка и седем за ореол. Додатно треба видвоїц за кажди шор по два – на початку и на концу шора. Важне знац же кед здзиваме перлочки з єдного боку, з другого боку прецагуєме дроцик и зацагуєме го после каждого шора.

Починаме так же на дроцик здзиваме перше єдну найменшу, вец шейсц штреднї и знова єдну найменшу. Потим пейц за други шор  (слика 2).

слика 2

Слика 2

Лїви конєц дроцика предзац през тоти пейц перлочки и зацагнуц го же би ше формовали два шори. Треба и позацаговац дроцики же би ше виєдначели. Тераз уж почина доставац форму  (слика 3, 4, 5, 6).

 

Вец з каждого боку положиц по найменшу перлочку и з правого боку удзац шлїдуюци шор – штири перлочки (слика 7, 8).

Слика 7

Слика 7

Слика 8

Слика 8

Тераз зоз лївого боку прецагнєме дроцик и зацагнєме (слика 9).

Слика 9

Слика 9

Вец ознова з обидвох бокох кладземе по єдну найменшу перлочку (слика 10). Додаме три штреднї, прецагнєме дроцик и зацагнєме (слика 11). Вец почнєме заш з двома найменшима, удзеєме два, прецагнєме дроцик и зацагнєме (слика 12). И остатню перлочку на целу почнєме з двома найменшима, вец удзеєме єдну штредню (слика 13).

Главку направиме так же обидва дроцики випросциме и на обидва здзеєме найвекшу перлочку (слика 14). Тераз направене цело (слика 15).

Слика 14

Слика 14

Слика 15

Слика 15

На обидва дроцики почнєме здзивац седем перлочки хтори буду представяц ореол (слика 16, 17).

слика 16

Слика 16

слика 17

Слика 17

Потим дроцики предзеєме през главку. Треба же бисце достали праве таки украс (слика 18).

слика 18

Слика 18

Два дроцики випросцице, на месце дзе би требали буц руки, односно кридла. На кажди бок здзеєце по 12 перлочки. Кажди дроцик предзеєце през тот шор у хторим три штреднї перлочки, як на слики (слика 19).

Слика 19

Слика 19

На остатку кажди дроцик предзейце през тоти два найменши перлочки з обидвох бокох док нє дойдзеце до главки (слика 20, 21).

Добре позацаговац ангелчка же би крашнє випатрал и на концу коло главки намотац дроцик же би ше нє „розходзел”. Тото цо останє треба одштригнуц (слика 22, 23).

Тераз ангелчок готови. Треба му лєм звязац машлїчку, а на ореол з машлїчки направиц квачку (слика 24, 25).

Хто схопнєйши може направиц и векшого ангелчка, а на подобни способ ше прави и дзвончок, лєм треба почац з найвекшу перлочку.

(Опатрене 250 раз, нєшка 1)

НАПИШЦЕ УПЕЧАТОК