Установа

[vc_column_text title=”Русле слово – од снованя по нєшка” pb_margin_bottom=”no” pb_border_bottom=”no” width=”1/1″ el_position=”first last”]

Новинска дїялносц Новинско-видавательней установи „Руске слово” почала 15. юния 1945. року з видаваньом тижньових новинох „Руске слово”, а потим и других виданьох на руским язику у Друкарнї у Руским Керестуре.
Новинско-видавательне подприємство (НИП) „Руске слово” у Руским Керестуре основане з Ришеньом Дирекциї привредних подприємствох Покраїнского одбору НФ НР Сербиї за Войводину 29. юния 1951. року. Воно настало зоз злучованьом Друкарнї у Руским Керестуре, хтора була филияла новосадскей друкарнї “Звезда” и Видавательного подприємства „Братство-єдинство” з Руского Керестура, чия дирекция тиж була у Новим Садзе.
Од 20. децембра 1960. року урядова назва глаши Видавательно-друкарске подприємство „Руске слово” Руски Керестур. Зоз снованьом дїловного здруженя новинских подприємствох и новинских установох 1960. року, тота орґанизация прията до членства и пременєла мено на Новинске подприємство „Руске слово” Руски Керестур.
З того заєднїцкого подприємства 1968. року видвоєни два самостойни подприємства – Друкарня „Руске слово” Руски Керестур и Новинско-видавательне подприємство „Руске слово”, хторе того 1968. року преселєне до Нового Саду.
На основи Закона о конституованю орґанизацийох здруженей роботи 1974. року, назва пременєна до Новинско-видавательней роботней орґанизациї „Руске слово”.
З Одлуку Покраїнскей конференциї Социялистичного союзу роботного народу Войводини 1979. року утвердзене же снователь НИРО „Руске слово” и новинох „Руске слово” Покраїнска конференция Социялистичного союзу роботного народу Войводини.
Скупштина Автономней Покраїни Войводини на схадзки Ради здруженей роботи и Ради општинох 1990. року принєсла одлуку же би ше НИРО „Руске слово” орґанизовало як Новинско-видавательну установу „Руске слово”, а тота одлука прилапена на основи члена 24. Закона о явним информованю.
Скупштина Автономней Покраїни Войводини на схадзки отриманей 29. юния 2004. року прилапела Одлуку о преношеню сновательних правох над НВУ „Руске слово” на Национални совит рускей националней меншини.
На основи тей одлуки, як и на основи Закона о защити правох и шлєбодох националних меншинох и Закона о явних службох, Национални совит рускей националней меншини, на схадзки отриманей 17. юлия 2004. року принєсол одлуку о снованю Новинско-видавательней установи „Руске слово”.
Установа реґистрована за видаванє новинох, часописох, кнїжкох, брошурох, музичних и видео виданьох, так же дїялносц НВУ видаванє новинох „Руске слово”, часопису за дзеци „Заградка”, часопису за младих „МАК”, часопису за литературу и културу „Шветлосц”, кнїжкох и интернет виданьох, як цо то и єй Новинска аґенция „Рутенпрес”.

Мартица Тамаш,
директорка НВУ „Руске слово”

[/vc_column_text] [vc_column_text title=”О Рутенпресу” pb_margin_bottom=”no” pb_border_bottom=”no” width=”1/1″ el_position=”first last”]

РУТЕНПРЕС перша новинска аґенция по руски, основана пре пласованє информацийох медийом хтори робя на руским язику на териториї Србиї и у реґионє юговосточней и штреднєй Европи.
Аґенция урядово почала робиц 15. мая 2006. року, з потримовку Министерства за културу и медиї Републики Сербиї. Ношитель проєкту РУТЕНПРЕС була Новинско- видавательна установа „Руске слово” Нови Сад, а його идейни творци Владимир Паланчанин и Єлена Перкович, хтора по 3. април 2010. року була и перши главни редактор Рутенпресу.
Самим концом 2009. року, Аґенция Рутенпрес урядово реґистрована як порядна дїялносц НВУ „Руске слово” Нови Сад, за тераз як перша и єдина така новинска аґенция на меншинских язикох у Войводини и Сербиї.
Координатор Аґенциї директорка „Руского слова” Матрица Тамаш, а други и терашнї главни редактор Рутенпресу од 3. априла 2010. року Михайло Зазуляк (зам).
Редакция:
Стаємни дописователє: Мария Афич (маф) – Р. Керестур, Кула;Танита Ходак (тах) – Коцур, Вербас; Владимир Дїтко (влдї) – Шид и други нашо места у Сриме; Ана Папуґа Маркович (апм) – Вербас; Иван Сабадош (саб) – Нови Сад; Мая Зазуляк (маз); Иван Гарди (гар) – Суботица; Сандра Барань (бас) – Дюрдьов, Жабель; Ксения Бенчик (себ) – Нове Орахово, Бачка Тополя; Ксения Лїкар (клї), Дюра Лїкар (дюлї), Агентка Балатинац (аба) – Горватска; Михаил Рамач (рам) – Дюрдьов, Жабель; Златко Колєсар (злк) – Коцур.
Дописователє-сотруднїки: Микола М. Цап (ммц), Дюра Винаї (дюв); Мелания Римар (рим); Мирко Горняк Кухар (мгк); Ясмина Дюранїн (ядю); Олена Планчак Сакач (опс) Блаженка Хома Цветкович (бхц); Руска редакция РТВ Войводини (ртв) и дзепоєдни други члени Редакциї НВУ „Руске слово”.

веб-администраторе Татяна Симунoвич и Вероника Вуячич

е-aдреса: rslovo@open.telekom.rs
тел: (025) 703-311 (Дописовательство „Руского слова” Р. Керестур), 069 673321 (Зазуляк)

[/vc_column_text]