У АМСС мож вигодно заменїц стари комплети першей помоци

автор сен
921 Опатрене

БЕОҐРАД – Авто-мото союз Сербиї (АМСС) орґанизує акцию „Исправна превозка – безпечна превозка“, под час хторей комплети першей помоци хторим вишол час тирваня мож заменїц за нови, за 600 динари, виявел предсидатель националного здруженя вожачох Мирко Бутулия, а преноши Танюґ.

– АМСС ше догварел з „Ґаленику” же за своїх членох, алє и шицких вожачох у Сербиї, орґанизує акцию старе за нове, же би ше нє руцало стари комплети, а вожаче мали додатни трошки – гварел Бутулия и додал же заменїц стари за нови комплет мож у каждим пункту АМСС.

Тиж гварел же трошок за замену нє вельки и поволал вожачох най вихасную тоту нагоду.

Управа транспортней полициї наявела же у наиходзацим периодзе будзе запровадзена векша контрола опреми у превозкох, та и комплетох першей помоци, понеже велїм вишол час тирваня. Вожач котри нє ма комлет першей помоци будзе плациц кару 5 000 динари, лєбо 2 500 динари кед уплаци у терминє од осем днї.

 

ПОВЯЗАНИ ТЕКСТИ