У Вербаше фалшиви одчитоваче водомерох

автор зам; фото: нмс
666 Опатрене

ВЕРБАС – У Вербаше ше тих дньох зявели фалшиви одчитоваче водомерох, котри ходза од хижи до хижи представяюци ше як роботнїки вербаского „Водоводу” и на водомери кладу ткв. „персцень за шпорованє води” – пише портал „Нашо место”. За тоту услугу од спреведзених наплацую 1 020 динари, а даваю аж и квити.

З Дїловней єдинки „Водовод и канализация” спозорюю гражданох на тих спреводзкошох и модля их же би, кед им комунални роботнїки подозриви, вимагали най укажу службену леґитимацию.

Одчитоваче водомерох и други заняти у „Водоводу и канализациї” маю идентификацийни карточки – гваря у тей дїловней єдинки.

(На фотоґрафиї фалшиви „персцень за шпорованє води”, цо у ствари обични изоловани дроцик.)

ПОВЯЗАНИ ТЕКСТИ