ОПШТИНА ШИД – Вчера на швето Велькомученїка Георгия, у народзе познатше як Дзуря, у наших грекокатолїцких церквох у општини Шид служени Служби Божо, а потим пошвецене жито.
У Шидзе парох о. Михайло Режак служел Службу Божу, а у казанї, медзи иншим, визначел же благослов пошвецаня жита символ доброго урожаю на польох, овоцнїкох и винїцох.
После богослуженя у порти отримани традицийни обряд пошвецаня жита хторе потим вирни ношели до своїх обисцох.
У Бачинцох парох о, Дарко Рац тиж на швето служел Службу Божу после хторей пошвецел жито, а подобно було и у наших церквох у Беркасове и Бикичу дзе парох о. Владимир Еделински Миколка служел Служби Божо и пошвецел жито.
