НОВИ САД – Треце тогорочней число вишло як специялне виданє пошвецене Националному швету Руснацох. З нагоди того, винчованку шицким припаднїком нашей заєднїци написал предсидатель Националного совиту Руснацох Стеван Самочета.
Пририхтали зме и пригодни напис о Руснацох у Новим Орахове, дзе ше отримує Централна шветочносц, а тей подїї пошвецени и рубрики Мозаїк и Духовни живот, дзе розгварка зоз о. Владиславом Рацом котри у новоораховскей парохиї уж роками окончує душпастирску роботу.
У тим чишлє мож пречитац и прегляди подїйох у 2025. року у обласци националного живота Руснацох и економиї, а на Наших местох пише о обставинох по наших местох док падал шнїг. Економия зазначела Рочну схадзку ремеселнїкох и приватних поднїмательох у Руским Керестуре и ситуацию на тарґовищу млєка.
Култура и просвита провадзела Гуманитарни концерт у Дюрдьове и крачунски концерти у Дюрдьове и Коцуре.
Рубрика Руснаци и швет понука розгварку зоз Иваном Дудашом зоз Велькей Британиї, а Людзе, роки, живот зоз ґлумцом емисиї „Державна робота” Деяном Чиряковичом.
О швету Богоявлениє и активносцох у Каритасовим куцику у Руским Керестуре пише на бокох рубрики Духовни живот.
Спорт пише о жимским купаню у Пачир банї, ту и вистки зоз активносцох ФК Русин и гокею на Данчовей долїни у Керестуре.
И у тим чишлє вас чека смачни рецепт у рубрики Горуци тепши.
НВУ Руске слово шицким читачом винчує щешлїве Националне швето Руснацох.