У РКЦ отримани Мултимедиялни перформанс БООМ-4

автор В. Вуячич
639 Опатрене

НОВИ САД – У просторийох Руского културного центру всоботу, 14. новембра, отримани Мултимедиялни перформанс БООМ-4.

У першей часци вечара отримана промоция нєдавно публикованей кнїжки драмох „Чарни лебед” Звонимира Павловича. Зоз автором о кнїжки, алє и вообще о його творчосци, бешедовали Славко Винаї и Мирон Джуня, хтори були и рецензенти кнїжки.

После розгварки зоз Павловичом виведзени перформанс „Забава” по тексту С. Мрожека, у адаптациї и режиї Звонимира Павловича, у хторим актере були Марина Хома, Наташа Макаї Мудрох и Иван Лїкар.

Рутен Треш Оркестра ше надовязала на перформанс и заокружела цали вечар зоз виводзеньом вецей композицийох.

У просторийох РКЦ ше мерковало же би були випочитовани шицки препоручени защитни мири пре пандемию, та до Клубу аматерох РКЦ могло войсц лєм одредзене число публики зоз обовязнима масками на тварох.

ПОВЯЗАНИ ТЕКСТИ