У Сримскей Митровици нєшка програма Руснацох

автор код
920 Опатрене

СРИМСКА МИТРОВИЦА – У сали Центру за културу „Сирмиум арт” у Сримскей Митровици члени рускей заєднїци нєшка, 31. октобра, свойому городу подарую музично-литературни вечар, у орґанизациї Подручней канцелариї Националного совиту Руснацох у Сримскей Митровици, а з финансийну и орґанизацийну потримовку „Фонду Бесерменї”. Програма почина на 18 годзин.

У музичней часци участвую Даниєла Горняк, Милда Желем Кузминац, Николина Думанчич, Исидора Козлина и Шпивацка група Руснацох, а у поетско-рецитаторскей буду представени твори Олґи Олеяр-Раїч, як и других наших авторох,хтори рецитую  Звонко Беднар, Катарина Бережни и Милена Костич.

Орґанизаторе поволую шицких заинтересованих же би з нащиву тей програми потримали роботу и активносци Руснацох у Сримскей Митровици.

Як Рутенпрес дознава у Подручней канцелариї НС, остатнї час у тим городзе активни єдино Руснаци позберани коло спомнутей канцелариї и коло нашей парохиї у Сримскей Митровици.

ПОВЯЗАНИ ТЕКСТИ