Хто ма у обисцу мини пекару, єст єден барз єдноставни и тунї рецепт за класични били хлєб. Єдноставносц тей мини пекари у тим же ше шицки состойки усипе и уключи на одвитуюцу програму. Правда, цали процес тирва 3 годзини, алє то нє значи же тельо и струї потрошице, бо окрем же ше миши, хлєб и помалки кишнє у нєй и пече ше.
За хлєб потребне:
300 милилитри води або млєка
1,5 ложку марґарину лєбо масци
0,5 ложки солї
0,5 ложки цукру
540 ґрами билей муки тип 500
1 сухи квас.
То стандардни рецепт, а мож додац присмачки по смаку. Можеце муку подзелїц, так же положице пол чарней и пол билей, маґочки з бундави, слунечнїку…