Церква и вирни преславели Кирбай

автор вл. дїтко
320 Опатрене

БЕРКАСОВО – На швето Собору Святого Архангела Михаила всоботу, 21 новембра, церква и вирни преславели храмове швето Кирбай.

Шветочну кирбайску Службу Божу предводзел о. мр Дарко Рац, протоєрей ставрофор и парох у Бачинцох у сослуженю з домашнїм парохом о. Владимиром Еделинскийом Миколком.

У казанї о. Рац возначел значносц ангелох у християнстве и же кажди ма свойого ангела хранителя хторому ше треба модлїц и хтори його защитнїк и заступнїк.

На богослуженю апостол читала Николина Горняк, Євангелию о. Владимир Еделински Миколка, а церковне шпиванє вирних предводзела Любица Роман, дзиячка зоз Бикичу.

На богослуженю, хторе на концу закончене зоз шпиваньом Многолїствия, було и вецей млади и дзеци.

ПОВЯЗАНИ ТЕКСТИ