СМУТНЕ И БОЛЯЦЕ ЗДОГАДОВАНЄ

Дня 8. децембра наполнєли ше штири чежки, жалосни и боляци роки як ши нас наймилша душо наша нєсподзивано зохабела у слизох, превельким болю и чежким жалю

ЦЕЦИЛИЯ ЧЕЛЬОВСКИ
народзена БЕСЕРМИНЇ

(1950–2020)
з Коцура


Вично останє боляце здогадованє на страшни 8. децембер 2020. року, на дзень кед ше нєсподзивано звалєл, за нас, єден цали швет. Живот нам станул. Мила, хибиш до безконєчносци. Хибиш нам кажди дзень вше вецей. Боля здогадованя, боля слизи, боля швета, ноци, швитаня, болї шицко цо живот ноши. Душо, очи нашо вично це буду випатрац и чекац. Жиєш у наших шерцох, памяткох, снох, думкох, у наших молитвох, у нас, занавше. У каждей хвильки чувствуєме же ши ту, при нас. Єдного дня стретнєме ше медзи гвиздами и вєдно предлужиме там дзе зме раз станули... Твойо наймилши, дзивка Славка и супруг Ґабор, вично це буду чувац у души, у шерцу, у молитвох...
Мила, най це ангелчки чуваю у мире Божим! Будземе жиц у надїї до воскресеня!