Чежке стретнуце за дюрдьовских фодбалерох

автор л. вереш
95 Опатрене

ДЮРДЬОВ – У 27. колу Подручней фодбалскей лиґи Нови Сад, хторе одбавене 28. мая, фодбалере ФК „Бачка 1923” зоз Дюрдьова страцели 6:0 у стретнуцу зоз фодбалерами ОФК „Славия” зоз Нового Саду.

Славия добре почала стретнуце, перши ґол на стретнуцу дали домашнї у 17. минути. Пред конєц першого полчасу, у 43. минути, фодбалер Бачки, Ненад Иґнїч, достал жовти картон.

У другим полчаше, у 49. минути,у посцигли ище єден ґол, а нєодлуга ище єден, у 54. минути. Фодбалере Бачки ше намагали посцигнуц голєм єден ґол, алє на тим стретнуцу нє мали щесц. Ище три лабди закончели у їх ґолу, у 70., 76 и 83. минути.

После того кола Бачка и далєй на 6. месце на таблїчки зоз 36 бодами. У шлїдуюцим колу дюрдьовски фодбалере на домашнїм терену дочекую фодбалерох зоз Ковилю.

ПОВЯЗАНИ ТЕКСТИ