Шицки ше радовали

172 Опатрене

ИНДЇЯ ‒ У церкви у Индїї, парох о. Михайло Шанта внєдзелю служел Воскресну утриню зоз одкладаньом плащанїци на 7 годзин, а потим була святочна Служба Божа. Пречитана Вельконоцна винчованка владики кир Георгия и пошвецени паски.

Як гварел о. Михайло, була полна церква и шицки ше радовали у святочним славеню Велькей ноци, а парохиянох треба похвалїц за орґанизованє шветочносци.

На Вельки пияток була вечурня зоз викладаньом плащанїци. Потим, од вечара, цалу ноц, та до рана внєдзелю, церква була нєпреривно отворена. И старши и младши парохиянє чували Исусов гроб.

Окрем з Индїї, на преслави Пасхи були и вирни зоз Земуну, Бешки, Старей и Новей Пазови, Ярковца, Люкова, як и госци з иножемства.

ПОВЯЗАНИ ТЕКСТИ