Ютре „Рутенияда” 

автор аба
1.4k Опатрене

СТАРИ ЯНКОВЦИ (ГОРВАТСКА)  – У Старих Янковцох у Горватскей, на ютре  11. юния, Координация рускей националней меншини Републики Горватскей орґанизує Дзевяту „Рутенияду” – змаганє основношколцох у старих руских спортских бавискох.

Змаганє будзе на стадионє ФК „ГАШК”.

„Рутенияда” будзе отримана и у рамикох Дньох Општини Стари Янковци, а орґанизаторе обчекую приход змагательох з местох дзе жию Руснаци у Горватскей и Сербиї – з Петровцох, Миклошевцох, Вуковару, Старих Янковцох, Пишкуревцох, Руского Керестура, Коцура и Дюрдьова.

Приход школярох зоз Сербиї, односно Войводини би мал буц витворени на основи подписаного Протоколу о сотруднїцстве медзи Националним совитом Руснацох и Координацию рускей националней меншини РГ.

Рутенияда будзе под покровительством Вуковарско-сримскей жупаниї, а почнє на 10 годзин.

ПОВЯЗАНИ ТЕКСТИ