РУСКИ КЕРЕСТУР – Всоботу, 10.марца, пред полну Вельку салу Дому култури Руски Керестур, ґлумци Драмского студия „Арт” премиєрно одбавели представу „Жени” Алда Николая у режиї Владимир Надя Ачима.
У представи, котра конципована зоз монодрамох, шейсц жени рижних положеньох и статусох у дружтве представели цо за нїх представя шлєбода, а шицко преплєцене зоз любову и хлопским вплївом на нїх. Указуюци на факт же шицко материялне преходне, лєм памятки вични.
Леонтина Штефанко наступела як задовольна жобрачка Дьоконда, Андрей Орос як Емилия, жена котра зарабрована у хлопским целу. Корнелию, чий продукт превладал з єй капиталом ґлумела Кристина Афич, а „мидлярку” Франческу за котру и живот менєй вредни од чистоти, Адриана Надь. Як ґдовица Олимпия котра нашлїдзела богатство любовнїци свойого мужа наступела Силвия Малацко, а Ребека Планчак як Диомия изолована у своїм квартелю на остатнїм поверху.
