КУЛА/ВЕРБАС – По урядових податкох, на основи мераня фреквенциї транспорту у општинох Кула и Вербас, остатнїх рокох значно звекшане число превозкох на тих драгох, котри уж роками у релативно подлим стану.
Мерни станїци на релациї од Зомбора по Вербас на дньовим уровню чишля коло шейсц тисячи превозки, а окреме проблематичне же чежки превозки, як цо то камиони, преходза през населєни места.
Загрожени локални самоуправи уж роками апелую на ришованє того проблему, а длугорочне ришенє би було вибудов новей транзитней драги звонка населєних местох.
Професор Борис Антич з Транспортного факултету у Беоґрадзе наглашел же за тот проблем ше муши пренайсц ришенє, понеже штверо од пецерих цо настрадаю з Вербасу або Кули, настрадаю на державних драгох.