Вчера почала 12. турнея Шлєбодней зони

автор сас
798 Опатрене

ЖАБЕЛЬ – На лєтнєй бини Општинскей народней библиотеки „Велько Петрович” у Жаблю, вчера 8. юния, почало приказованє филмох зоз 12. турнеї Шлєбодней зони. У рамикох тей орґанзиациї буду приказани пейц филми.

Вчера приказани документарни мюзикл „Дзень ошлєбодзеня” зоз 2016. року норвежского режисера Мортена Травика о култним бенду „Лайбах” зоз Словениї, а нєшка, 8. юния, будзе приказани документарани филм „Чавела” о икони традицийней мексицкей шпивачки Чавели Варґас.

Филм „Чамбра” зоз 2017. року, режия Катрин Ганд и Дареше Кюи, годно одпатриц на штварток, 14. юния, о малей ромскей заєднїци у Калабриї у Италиї и їх способе одрастаня. На пияток, 15. юния, пред патрачами будзе филм „Червени пес: прави белави”, цо приповедка о приятельству и любови медзи хлапцом и його псом.

На штварток, 21. юния, будзе приказни остатнї филм у тим циклусу, а то документарни филм „500 роки” о историї Ґватемали и ратованю маянского жительства процив расизму, злохаснованя моци, насилства и корупциї. 

ПОВЯЗАНИ ТЕКСТИ