РУСКИ КЕРЕСТУР − Руски Керестур вчера нащивел доктор историйних наукох Григорий Миронов зоз Ростова на Дону у Русиї, котри роби на проєкту знїманя документарного филму о Руснацох у Горватскей и Сербиї.
Филм знїма з намиру же би приповедку о Руснацох могол приказац у Русиї, потераз водзел розгварку зоз Руснацами у Горватскей, а вчера у Керестуре на тоту тему бешедовал зоз предсидательом Рускей матки Дюром Папуґом, наставнїком Славком Папом, Юлияном Лазором, Марию Дорошки и Олену Папуґа.
Як дознаваме од Миронова, зоз руску националну меншину ше занїма полни дзешец роки, по тераз видал русийско-руски словнїк вєдно зоз Блаженку Хома Цветкович, а пририхтали ище єден словнїк виразох.