Дзеци з Дюрдьова нєшка бавели на Мемориялу

автор мзг
918 Опатрене

РУСКИ КЕРЕСТУР – Дзецинска драмска секция Културно-уметнїцкого дружтва „Тарас Шевченко” з Дюрдьова нєшка на Драмским мемориялу Петра Ризнича Дядї виведла представу „Планета Норим” автора Мирона Канюха, у режиї Якима Чапка.

Дюрдьовски ґлумци керестурскей публики представели приповедку о дзивчецу хторе жадало других родичох, та их и достало на нєпознатей планети Норим, цо ю научело же их нїч нє може заменїц, як и родительску любов, а окреме нє материялни ствари.

Дария Такач у представи ґлумела дзивче Геленку, Мария Горняк була мали желєни Норимец Амис, лилови краль Иким бул Иван Хромиш, Єлена Мудри ґлумела лилову кралїцу Икимицу, Страшенє бул Лука Кухар, Сплєтанє Желяна Такач, а Жаданє Елеонора Винаї. Шептач бул Иґор Салаґ, а за ефекти бул задлужени Борис Хромиш.

Вецей фотоґрафиї мож поопатрац у нашей фотоґалериї.

IMG_7482_resize

ПОВЯЗАНИ ТЕКСТИ