И того року нєорґанизовани препатрунок механїзациї

автор сас
778 Опатрене

ЖАБЕЛЬ – Польопривредни машини котри участвую у жатви у Општини Жабель анї того року, як и прешлого, остали нєпрепатрени у акциї котру за польопривреднїкох орґанизовала Општина Жабель.

Гоч Општински штаб за жатву и защиту урожаю од огня формовани концом мая, а по їх плану предвидзени и препатрунок механизациї котри ище вше нєзапровадзени, гоч жатва уж почала. Попри тим, векшина камионох у добредзечних огньогасних дружтвох у општини, на котрих ше и општинска власц опера же помогню кед даґдзе вибухнє огень, нє маю з чим гашиц, нєреґистрована и анї єдно дружтво нє ма средства за гориво, а даєдним аж и цистерна за воду дзирава або погубени акомулатор у камиону.

-До прешлого року Општина нас орґанизовала же бизме препатрели механїзацию котра участвує у жатви. Прешлого року зме самоинициятивно орґанизовали препатрунок, бо нас контаковали польопривреднїки. Того року нас анї нє обвисцели же маме дежурац под час жатви, гварел Ґоран Берич, предсидатель дюрдьовского Добродзечного огньогасного.

ПОВЯЗАНИ ТЕКСТИ