Керестурци нєшка на Зонскей смотри, почала и Општинска за дзеци

автор зам
934 Опатрене

ЧЕРВИНКА/КРУЩИЧ – У Червинки вчера, 3. априла, почала 49. Зонска смотра театралней творчосци за старших, на хторей по 9. април у змагательней конкуренциї участвую седем аматерски представи, медзи нїма аж пейц з местох кулскей општини.

Праве нєшка, 4. априла, на Зонскей смотри участвує младежска представа Драмского студия „АРТ” Дому култури Руски Керестур „Боинґ-Боинґ” Марка Камелотия, у режиї Владимира Надя Ачима.

З кулскей општини на тим висшим змаганю участвую и театрални ансамбли з Червинки, Кули, Сивцу и Крущичу, та по єдна представа зоз Жаблю и Зомбора.

11-Zonska-02

Вчера у Крущичу почала и Општинска смотра дзецинскей театралней творчосци, хтора будзе закончена нєшка, а участвую аж 12 представи з Кули, Руского Керестура, Червинки, Липару и Крущичу. Селектор Смотри режисер з Керестура Владимир Надь Ачим.

Селектор три представи за Општинску смсотру одпатрел под час Драмского мемориялу Петра Ризнича Дядї у Руским Керестуре – Руского КУД „Др Гавриїл Костельник” з Кули „Приповедки з Коцкогороду” у режиї Нади Лендєр, Дзецинскей ґрупи Драмского студия „АРТ” Дому кулртури Руски Керестур „Перша журка” у режиї Ксениї Бодянец, як и дзецинску представу по українски КУД Иван Сенюк” з Кули.

ПОВЯЗАНИ ТЕКСТИ